منتــــــــــــــــــ(كيمياء منفرد)ـــــــــــديات
اهــــــــــــــلا بيكــــــــــــــم في منتــــــــــــــــــ(كيمياء منفرد)ـــــــــــديات
-انت غير مشترك , او مشترك ولم تقوم بتسجيل الدخول
-اذا كنت غير مشترك نتشرف بان تنضم لموقعنا ...وشكرا


اهــــــــلا بيكـــــــــــم في منتــــــــــــــــــ(كيمياء منفرد)ـــــــــــديات
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول
بسم الله الرحمن الرحيم قُلْ هُوَ اللَّهُ أَحَدٌ اللَّهُ الصَّمَدُ لَمْ يَلِدْ وَلَمْ يُولَدْ وَلَمْ يَكُن لَّهُ كُفُواً أَحَدٌ صدق الله العظيم
بسم الله الرحمن الرحيم قُلْ أَعُوذُ بِرَبِّ الفَلَقِ مِن شَرِّ مَا خَلَقَ وَمِن شَرِّ غَاسِقٍ إِذَا وَقَبَ وَمِن شَرِّ النَّفَّاثَاتِ فِي العُقَدِ وَمِن شَرِّ حَاسِدٍ إِذَا حَسَدَ صدق الله العظيم
بسم الله الرحمن الرحيم قُلْ أَعُوذُ بِرَبِّ النَّاسِ مَلِكِ النَّاسِ إِلَهِ النَّاسِ مِن شَرِّ الوَسْوَاسِ الخَنَّاسِ الَّذِي يُوَسْوِسُ فِي صُدُورِ النَّاسِ مِنَ الجِنَّةِ وَالنَّاسِ صدق الله العظيم
بحـث
 
 

نتائج البحث
 
Rechercher بحث متقدم
المواضيع الأخيرة
» كتب للكيمياء بجميع فروعها مش حتاج تبص في اي حاجة تاني
الإثنين أبريل 01, 2013 1:52 pm من طرف abdelaziz

» Portable Games Collection
الجمعة أكتوبر 05, 2012 8:06 am من طرف edfsuez

» مقال يستحق القراءة
الإثنين مارس 26, 2012 12:19 am من طرف azza707

» مجموعه كتب كمياء نظرى
الجمعة فبراير 10, 2012 1:32 am من طرف الفهدالأسمر

» جميع محاضرات د/حامد عبد اللطيف ك312
الجمعة فبراير 10, 2012 1:31 am من طرف الفهدالأسمر

» اول ثلاثه محاضرات ك432 د/شحاته
الجمعة فبراير 10, 2012 1:29 am من طرف الفهدالأسمر

» احتاج الى كتاب (chemical kinetics by keith james laidler 3rd edition 1916)
الثلاثاء سبتمبر 06, 2011 12:02 am من طرف bolla.wawa

» من باب الفكاهه
السبت مارس 05, 2011 6:15 pm من طرف walaa

» يلا كل واحد يعرف نفسه
السبت مارس 05, 2011 6:10 pm من طرف walaa

» استغماية جديدة
الجمعة مارس 04, 2011 11:08 pm من طرف walaa

ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني
احداث منتدى مجاني

شاطر | 
 

 interview ... موضوع هام للغاية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
A.khaled
عضو ممتاز
عضو ممتاز
avatar

عدد المساهمات : 207
تاريخ التسجيل : 20/10/2009
العمر : 27
الموقع : ahmed_kh019

مُساهمةموضوع: interview ... موضوع هام للغاية    الأحد ديسمبر 05, 2010 5:34 pm

السلام عليكم و رحمة الله و بركاته
الموضوع ده مهم جدااا ممكن يكون فيه ناس كتير تعرفه ... و فى ناس لا
انا بس حبيت تاخدو فكرة كويسة عنه و ياااااااااااارب تستفادو ان شاء الله
............ ............... ............... ............... ................ .............. .............
قبل الانترفيو :

اولاااا : طبعااا حضر نفسك كويس للانترفيو ..و اقرا عن المنظمة او الشركة دى وخد معلومات عنها ..انشأت امتا ؟؟...ومين اللى انشأوها ؟؟...ليها كام فرع ؟؟....فكرها ايه ؟؟وخلى بالك من فكر المنظمة واحترمه حتى لو مختلف معاه ....لو رايح وزارة الاوقاف بيبقا ليها فكر ..غير لو رايح فندق ف شرم الشيخ اكيد هيبقا ليه فكر مختلف
جمع كل المعلومات دى عن طريق انك تقرا كتب ...
او لو المؤسسه دى بتصدر جريدة او مجله جبها واقرا فيها




خش ع النت واقرا عن الشركة دى ولو ليها موقع رسمى زوره




المهم انك تجمع معلومات عن الشركة اللى انت رايحها باكبر قدر ممكن


ثانيا : حط فى دماغك حاجة ..طالما كلمونى عشان ااجى الانترفيو دا يبقا هما شايفين انو انا ممكن اخد الشغلانه دى والا
ماكانوش بعتولى


ثالثا : لازم تبقا عارف انو 70% من نجاحك فى الانترفيو دى مبنى على soft skills اللى هيا مهاراتك الشخصية
زى اصرارك انك هتنجح فى الانترفيو دى حتى اثناء تحضيرك ليها ..


رابعاااا : الراجل اللى هيعملك الانترفيو مش ضدك لانو عايز حد يشتغل عنده ومكلفين نفسهم وعاملين اعلان ف الجرايد مثلااا يبقا هما عايزين ناس للشغل كل الفكرة من الانترفيو انو عنده شك انى قادر اخد الوظيفة دى ومحتاج يتاكد انى ادهاااا


خامسااا : الراجل اللى هيعملك الانترفيو ..بيقرر انك هتاخد الشغلانه دى او لاء خلال 30 ثانيه من بدء الانترفيو..وبالتالى القرار مش بيبقا مبنى على اساس عقلانى وانما عاطفى

من خلال انطباعه عنك وفى ابحاث بتقول انو قرار شغلك الراجل بياخده من اول 4 ثوانى فى الانترفيو ودا بياكد انو القرار مش عقلانى وانما من خلال الانطباع الاول..عشان كدا وانت رايح ابقا البس كويس ويكون اللبس مريحك ..للولاد يبقا بدل سودا او كحلى او رصاصى



للبنات ..بلاش الوان الفرح والمايكب الكتير ...واللبس المبهرج...والمكشوف ..

كل ما كان لبسك بسيط وشيك كل ما كان احسن


سادسا ..الاكسيسوريز للبنات او الولاد المفروض ما يزيدوش عن سبعةاكسيسوريز ..
مع العلم انو القلم اكسيسورى ..والنضارة بردو ..والبتاع اللى بيتحط ف الكارفات بتاع البدل اكسيسورى ..والساعة كمان ..والدبله ..ودبابيس الطرحة او توك الشعر ..كل دا اكسيسورى ..البس الاكسيسورى اللى انت عايزها بس المهم لما تعدهم ما يبقوش اكتر من سبعه


سابعا : نام كويس يوم الانترفيو ..




يبقا من 6 الى 8 ساعات نوم بالليل


ثامنا : تعمل حسابك تبقا تروح بدرى شويه يوم الانترفيو...و ابقا اسال هناك عن اسم الراجل اللى هيعملك الانترفيو ...لانو احلى حاجة هيحب يسمعها منك اثناء الانترفيو هوا اسمه ..فاعرف اسمه عشان اثناء الانترفيو تبقا تناديه بيه



كمان ابقا خد معاك نوته صغيره خالص وقلم طبعاا ..عشان لو عوزت تكتب اى حاجة

--------------------------------------


اثناء الانترفيو :
:
:
:
:
اولاااا ..الق التحيه وانت داخل مع ابتسامة على وجهك

لو الراجل مد ايده بالسلام مدا انت كمان ايدك ...وما تبدأش انت بالسلام بالايد
لانو ممكن حد يحرجك وهيكون قاصد من كدا انو يوترك ويبقا عايز يعرف رد فعلك ايه لما احرجك
فانت من الاول ما تديلوش الفرصه ..واوعى تسلم بالايد الا لو هوا مد ايده
موضوع السلام
بالنسبه للبنات ..فحسب البنت لو بتسلم بالايد او لاء
لو الراجل قام وقف عشان سلم عليك ..سلم عليه انت كمان واوعى تعد قبل ما يعد هوا




راعى وانت بتسلم عليه ايدك ما تبقاش تحت ايده ..ولا فوق ايده ..وانما الاتنين قصاد بعض


ثانياااا ..وانت بتتكلم تتكلم بكل ثقه ...واوعى تنسى تناديه باسمه
ما تعدش متوتر وخايف ...خليك واثق انك تستحق تاخد الشغل دااا لانك تعبت اثناء تحضيرك للانترفيو دى



ثالثا ..حافظ على eye contact او الاتصال بالعين .وانت بتتكلم للراجل بصله .وما تبص ف السقف او ف الابجورة او الصور اللى على مكتبه..




لما بتنبصله بتحسسه باهتمامك بيه ولو هما اكتر من حد اللى بيعملولك الانترفيو ...ابقى بص للراجل اللى بيسال وف نفس الوقت ابقى بصل للتنين وانت بتتكلم واوعى تركز مع واحد بس لانو قرار قبولك ف الشغل متوقف عليهم كلهم مش على الشخص اللى بيسالك بس




رابعاا اتستعمل ال body language.اللى هيا حركات جسمك





بس خد بالك منها كويس ..بس يعنى بلاش تزد منها مثلا وتحرك ايدك كتير او تحط ايدك ف جيبك لانو دا بيدى انطباع مش كويس



خامساا ..احسن حد ممكن تكونه هوا نفسك ..ما تدعيش حاجات مش فيك ..وما تقولش حاجات ما حصلتش ...عشان ربنا يوفقك ..بلاش نبتديها بكذب



سادسا ..ودى نقطة مهمة جدااااااا ..طول وانت بتتكلم مع الراجل دا ...ركز على حاجتين .اولا توصله الحماس من خلال كلامك ..



ازاى ؟؟ ..
بانك تتكلم بطبقه صوت واضحة تعلى صوتك فى كلمات وتقلله ف كلمات
تعمل استرس على الكلمات اللى شايف انها مهمة ولازم يسمعها كويس....
كل ما وصلتله حمااااااس اكتر كل ما كانت فرصتك اكبر

ثانيا ..اى سؤال الراجل يسالهولك ..رد بـ star



يعنى ايه Star؟؟


s=situation

t=task

a=action

r=result

بمعنى انو كل ما هوا يسالك اى سؤال ..تقوم تحكيله موقف مريت بيه وكان مطلوب منك مهمة معينه وانت عملت حاجة جاااااامدة جدااا وكانت النتيجة انو الامور اتحسنت جدااا
كل سؤال تتساله جاوب بستار



سابعا ..الانترفيو مش مكان للتواضع ..لاء ..دا مكان لازم تبين نفسك فيه انك احسن حد ف الدنيا يستاهل الوظيفة دى
وافتكر جمله مهمة جدا ..مش احسن حد اتقدم للوظيفه بياخدها ..وانما اللى بيعرف يبين نفسه انو كويس اثناء الانترفيو هوا اللى بياخدها


ثامنا ..وجه المناقشه معاهم بنفسك ...ولما يبقا فى فرصه اتكلم ف الموضوع اللى انت قارى فيه ومحضره ..والجزئيه دى عشان يحسو انك عندك عنصر المبادرة..وانك مطلع وعندك ثقافة


تاسعا ...كل ما يسالك سؤال ..خد ثانيتين تفكير ف الاجابه وبعدين جاوب بكل حماس وانت بتعمل ستار
وما تجاوبش بعد ما يسال على طول ..لازم تاخد ثانيتين وبعدها ترد
عشان ما ياخدش انطباع عنك انك متسرع وبالتالى ممكن تغلط كتير
وعشان هوا ممكن يسالك بعد كدا سؤال اجابته تكون صعبه عليك ...وتضطر غصب عنك تاخد فرصه تفكر فشكلك هيبقا وحش

فانت من باب اولى ..اى سؤال خد ثانيتين تفكير الاول وبعدها ابدا بالاجابه بحماس وبستارز
وحاول ف الاستار يبقا فى ارقام

بمعنى السنه اللى فاتت كان مطلوب مننا نحضر حفله للفنان الفلانى ف الكليه ...وقبل الحفله ب4 ساعات بس قالولنا
واحنا ف ظرف ساعتين خلصنا كل التجهيزات فعملنا كذا وكذا وكذا وكانت النتيجة انو الفنان حضر والحفله مرت باحسن حاله ممكنه

فى حاله الراجل سالنى سؤال انا مش عارفه ..بتجاوب بكل لباقه انك للاسف مش عارف الاجابه واكتب السؤال ف النوت اللى معاك وف اخر الانترفيو اسال الراجل عن اجابه السؤال دا



عاشراا ..اثناء الانترفيو ممكن تتعرض لاسئله عجيبه وغريبه ..ممكن يديلك ورقه ويقولك ارسملى الذكاء...مهما كانت الاسئلة مش تقليدية رد بكل ثقه وما تتلخبطش

ف الكلام لانو ف الغالب مش بيبقا عايز يعرف اجابه للسؤال وانما بيبقا عايز يعرف تصرفك هيبقا ازاى لما يسالك السؤال اللى مش تقليدى دا



رقم 11 ...اوعى تسال عن المرتب ...خااااااالص





ولو الراجل هوا اللى جاب سيرة المرتب والفلوس ......واوعى تقول كنت بتقبض كام ف الشغل اللى كنت بتشتغله قبل كدا ودا لسببين الاول انو ممكن صاحب الشغل يبقا عايز يعينك بمرتب كبير ولما يلاقيك كنت بتاخد اقل ممكن يقلل المرتب
والسبب الثانى انو صاحب الشغل ممكن تبقا قدراته الماديه هتعينك بمرتب اقل من اللى كنت بتاخده]فمايقبلكش ف الانترفيو عشان انت بتاخد مرتب اعلى فى حين انو انت ممكن يبقا عندك استعداد تقبل الشغلانه بمرتب اقل من اللى كنت بتقبضه قبل كداااا


اااخر حاجة ....وانت ماشى من الانترفيو ما تنساش بابتسامة لطيفه تسال الراجل اللى عملك الانترفيو
ممكن اعرف نتيجة الانترفيو منين او ازاى ؟؟
ودا عشان يعرف انك مهتم..


يارب المعلومات دى تبقا مفيدة لكل حد عنده انترفيو قريب
وبعتذر لو كان الموضوع طويل شويه

بس حبيت كل المعلومات تبقا متجمعه

عشان لو حد عايز يعرف باستقاضه عن الموضوع




من بريدي مع اعادة تنسيق وتغيير بعض الصور والاضافات

والسلام عليكم ورحمة الله وبركاته
.......................................................
منقووووووووووووووول afro
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
shymaa mohamed
عضو ممتاز
عضو ممتاز


عدد المساهمات : 172
تاريخ التسجيل : 16/03/2010
العمر : 27

مُساهمةموضوع: رد: interview ... موضوع هام للغاية    الأحد ديسمبر 05, 2010 7:56 pm

حلو الموضوع جدا ومهم لينا اوي لانه فعلا لازم نكون على دراية كاملة بالحاجات اللي المفروض نعملها ولازم ناخد بالنا منها اثناء الانترفيو ..وللاسف فشل اي حد فينا في الحاجات دي ممكن تتضيع من ايدينا فرصة عمل كويسة على الرغم من انه ممكن نكون نستاهلها جدا بس معرفناش نوصل قدراتنا للي ادامنا
ربنا يكرمنا ان شاء الله كلنا ويرزق كل واحد فينا بالوظيفة اللي بيتمناها
وبجد الموضوع حلو جدااااااااااا ومش طويل اوي ولا حاجة ..تسلم الايادي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
bery
عضو ممتاز
عضو ممتاز
avatar

عدد المساهمات : 132
تاريخ التسجيل : 31/12/2009

مُساهمةموضوع: رد: interview ... موضوع هام للغاية    الإثنين ديسمبر 06, 2010 6:21 am

الموضوع بجد جامد اوى ومهم اوى اوى علشان فعلا ف ناس كتير بتخاف م يوم زى ده وكمان الكلام ده مش هينفعنا وقت الشغل وبس واكيد ف حياتنا كلها بعد ف الجامعه وبعدها باذن الله وربنا يوفقنا كلنا باذن الله وطبعا تسلم ايديك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
foffa&A.M
عضو ممتاز
عضو ممتاز
avatar

عدد المساهمات : 114
تاريخ التسجيل : 03/01/2010
العمر : 27

مُساهمةموضوع: رد: interview ... موضوع هام للغاية    الثلاثاء فبراير 15, 2011 10:26 pm

الموضوع مفيد جدا لا جدال فى ذلك.
بس بجد ربنا يكرمك على اهتمامك بتوصيل حاجة زى كده لينا.
ربنا يوفقنا كلنا للشغل اللى يناسبنا واللى نقدر نبدع فيه باذن الله.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
A.khaled
عضو ممتاز
عضو ممتاز
avatar

عدد المساهمات : 207
تاريخ التسجيل : 20/10/2009
العمر : 27
الموقع : ahmed_kh019

مُساهمةموضوع: رد: interview ... موضوع هام للغاية    الثلاثاء فبراير 22, 2011 5:27 pm

شكراااااااااااا يا جماعة ليكوا كلكو شكرا جزيلا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Farag Cool
عضو ممتاز
عضو ممتاز
avatar

عدد المساهمات : 30
تاريخ التسجيل : 22/10/2009
العمر : 27

مُساهمةموضوع: رد: interview ... موضوع هام للغاية    الأربعاء فبراير 23, 2011 11:48 am

الموضوع دا هايل لان دا اول موضوع هنتسأل فية بعد منخلص ويارب كلنا نستفاد منة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
rody
عضو ممتاز
عضو ممتاز
avatar

عدد المساهمات : 43
تاريخ التسجيل : 20/10/2009
العمر : 27

مُساهمةموضوع: رد: interview ... موضوع هام للغاية    الأربعاء فبراير 23, 2011 8:13 pm

الموضوع فعلا مهم جدا
جزاك الله خيرا على المجهود انا استفدت فعلا منه .............
وربنا يوفقنا كلنا ان شاء الله................................................ز
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
interview ... موضوع هام للغاية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» Syed Sabih Rehmani Interview
» ادرب واشتغل فى شركة جيزة سيستمز
» Asp.Net Interview 1

صلاحيات هذا المنتدى:لاتستطيع الرد على المواضيع في هذا المنتدى
منتــــــــــــــــــ(كيمياء منفرد)ـــــــــــديات :: القسم العلمي :: منتدي المحاضرات (داون لود) download-
انتقل الى: